16個月的Angus

我個仔一直進度大落後。。。。已經16個月了，我們一直在擔心他~~
今個月我地總算鬆一口氣，因為佢叻仔左好多~~~~
之前一直不肯放開手行的他，終於在Angus 爸爸昨天扮跑期間，鬆開手了，行左5,6步，然後再自己連續行左20步，好開心啊！好叻叻^^明明行得好好，點解Angus 一直不願意放手啊><

除此之外，今個月已成功戒奶樽了，早晚都刷牙仔，之前一直不願刷牙的他，看了巧虎的小豬刷牙劇場和玩小豬刷牙學習組合後，出奇地合作，並會呀大個口，俾我幫佢刷牙^^

近期也聽指令做到好多動作，如Arms up, clap, point~~~識指nose 同ears^^仲跟住講dog dog. 越來越可愛了

Angus BB 拿優異獎啊

8月8日終於公佈結果了，Angus BB 獲優異獎^^有50%是來自facebook 投票，有50%是評審。不枉我們辛苦拉票，Angus BB 獲獎了，有威潔禮物包同埋惠康現金券500元，是相當實用的禮物，也是Angus BB 獲得第一個獎！！！再一次謝謝大家的支持。

暑假開心遊

BB 爸爸總是暑假時才有時間跟我去旅行，繼同老公去完英國，唔知大肚既我同屋企人去左沖繩就停左成年幾無去過旅行lu...
今個暑假去番夠本，不過都係以短線為主，分別帶bb 去左台北同澳門。
本來都未有勇氣帶佢周圍去，不過8月中時老公個best friend 結婚響台灣擺酒，要去撐下場，就硬住頭皮同佢d 中學同學一齊去啦，仲有bb 可以同Angus一齊玩^^
玩左四日，去左揾好多好野食，食左米朗琪啦，淡水既乾杯燒肉啦，鼎泰豐啦等，

仲同埋bb 去動物園添，不過真係好熱熱，大家都無咩心機行，兩位小朋友都對動物興趣唔大啊><整體上，Angus bb 響台灣之旅都幾乖，如睡在陌生的bb床上，仍然倒頭大睡，不過就在回香港的路途上，因為台北大雨delay 左，搞到響飛機入面時間太長，bb 扭計了，要帶安全帶時間也太長，結果嘈倒人地，真係超級唔好意思呢。

至於澳門，我地同Angus bb 公公姨媽姨丈一齊去，佢地肯同我地一齊住十六蒲(想當年影婚紗相入住兼影相既酒店) ，去番我同老公影婚紗相既地方，佢地都係第一次上去東望洋，主教山呢d 地方，當然bb 也是呢。嘻^^不可不提的是旅遊塔下的音樂豆咖啡，咖啡雪糕超滑，大愛呢。

加入巧虎行列

見到寫blog的媽媽都訂巧虎了，我也心思思為Angus 訂寶寶版。

嘻嘻，正式加入巧虎行列，昨天還一次過收到13年9月號至14年6月號呢，很精彩，很多教具。期待寶寶學得更多，加油啊！

不一樣的父親節

雖然Angus bb 人仔細細，但係今年已是第二年一起過父親節呢。呢個星期行程非常緊湊，先是星期六去同Angus bb 公公慶祝，吃了日式放題。哈哈哈，好開心呢。

星期日，我地要同bb 上playgroup, 誰知揹揹下佢，就黎到center 時竟然睡著了，第一次上堂瞓覺，玩樂器都唔醒。。。瞓左4分一堂，終於響玩沙鎚既時候醒晒，哈哈哈。最後做勞作部分，竟然真係俾我tip 中左係整父親節tie, 哈哈哈^^

上完堂，看看時間，應該6點前趕得切去玩爬行比賽，於是就坐車去了，剛剛趕得切參加尾場，嘻，很開心啊。
開始了~~~開頭凳bb 同bb 爸爸緊張，因為Angus 唔爬，仲去同隔離d bb 玩，又爬番轉頭。。。好彩佢突然間被濕紙巾吸引住，爬向前，最終以2分幾鐘完成賽事，有cert, 有禮物，good^^

之後就上爺爺嫲嫲家了。

試用Sealer 噓噓樂尿片

很感謝my bb. com 再一次讓我們的Angus BB 有機會參加試用。

今次試用的是噓噓樂尿片，收到的時候，當然先看看尿片的外觀吧，很colorful, 不錯呢。

有別於其他尿片，尿濕提示是用可愛的荷花圖案，而不是兩條線呢，嘻。當bb 需要更換尿片時，荷花便會消失了，如圖：

另外，彩色123對位的功能令我發現自己一直貼尿片也是不對稱呢，因為它比較突顯出左右貼的位置，嘻嘻，因而經常看到自己貼得不對稱。。。後尾注意到這個尿片是有較高腰的剪裁，和我bb之前用的有所不同，注意點的話，我也可以貼得對稱呢，嘻
除此以外，bb 在試用期間沒有出現漏屎及漏尿情況，而且挺乾爽呢，整體而言，確實不錯呢^^老公也說放心給BB夜晚瞓覺用呢。

試用TOTSEAT椅套

很高興再次獲得my bb.com 的試用，今次是椅套呢，由於家中有highchair 及bb椅子。用椅套的機會率就不太大了。不過去親戚或朋友家就啱晒，有坐位可安置bb 呢。嘻嘻。不過要小心的是始終是布料質地，並不能取代highchair, 一步也不要行開啊^^
今次收到的椅套是蘋果款，其實看官方的資料，還有很多款可以選擇的。椅套共分三個部分，有袋子，椅子附助帶及椅套。有袋子真好，帶出去，方便很多呢。我用之前，全都放在洗衣機洗一次，完全無問題，可機洗，不脱色的。

 

 

由於是次使用的椅子都有椅背，用椅子附助帶機會不高啊。
去公公家試用下椅套，Angus BB 都能安靜坐下，而且都好穩陣，唔怕佢會走倒出黎，不過當佢鍾意靠左或靠右時，就似乎有點危險了，所以一步也不可以行開，在bb 則邊睇住佢，餵佢食野，其實都相當好用，因為可以減少抱抱，而且既輕又方便攜帶，實在不錯呢。