西瓜豆腐花的約定@39W

我同ANGUS一直有個西瓜豆腐花的約定~~~~我同佢約好左4月30日媽媽會食西瓜豆腐花，食完，等媽媽爸爸執好野，就叫佢可以準備，咁爸爸夜晚就可以帶媽媽去醫院生你出來喇~~~~唔知佢其實知唔知道呢？

不過今晚BB爸爸突然有個想法，話今個星期六、日也可以陪倒我去醫院，又想ANGUS早D出來陪佢玩~~~~於是佢竟然帶ANGUS媽媽去食西瓜豆腐花~~~~~~
不過似乎BB沒有這麼敏感，沒有理會他，可能BB都係想4月30日再食先出來吧~~~~~~~我食西瓜豆腐花，BB爸爸食雪糕涼粉~~~

去食西瓜豆腐花之前，我地試左間新餐廳，也不錯~~~~D SET以蛋包飯為主架~~~~
我食左鮮茄吉列豬扒蛋包飯，BB爸爸食左黑椒牛肉蛋包飯~~~不錯啊~~~~~

買黑麥汁+老公幫我炒米茶@37W

今日在大埔行逛~~~去了綠盈坊買了支黑麥汁(330ML)，聽FB 4月媽媽會說這支飲品上奶好好的。
我就忍唔住去睇下，價錢也相當實惠，只是$15支。所以忍唔住買番支試下個味道，如果OK，第日可以隨時叫老公幫我入多D~~~~
因為佢公司附近都有呢間分店呢~~~~~GOOD GOOD GOOD
在睇下個產品簡介，適合孕婦飲架~~~~~大家都可以試下啊~~~~~不過聽說熱量都多的，每天不要飲超過一支啊~~~~

回家老公幫我炒定D米FOR入院用，雖然坐月期間應該有奶奶同陪月為我預備，不過都係準備定少少，FOR入院時用穩陣D。嘻~~~~~
今日用左一杯仔米乍，試下先~~~~~~

1. 燒紅隻穫轉細火
2.不停炒米















3.炒至微黃

4.放涼後才入茶袋














BLOG友提過我地唔好入太滿，三分之二就夠啦~~~~~因為焗左之後，米係會發漲架~~~~
入好後，放入密實袋，遲D FOR 走佬~~~~~~~~~~

嘻~~~今日又唔乖~~~買左件CAKE食

終於買了架碌碌車+PAMPERS入會禮物@37W

今日待老公放工後又去了沙田啊~~~~其實新城市太多人，的確不太適合我去.......
但係~~~為左換片，我都係決定要同老公去一趟~~~~哈哈~~~
話說早前再收到PAMPERS入會COUPON+禮物，好開心，可以再幫BB換多兩包NB片+濕紙巾~~~~~
換完，早D食夜晚，去了紅螞蟻吃二人套餐~~~~都幾豐富啊~~~~^3^

 之後去左無印買了架碌碌車，第日換片無論響廳定房都會方便D~~~~~嘻~~~我想買好耐架啦~~~終於買左啦~~~~
第日如果嫌阻住，又可以拆左佢收番好~~~~真的好好啊~~~~買左$160~~~~~~~~

有張日文說明書~~~~KAKA~~~~

我已經逼迫不及待，放了BB的用品，看看~~~~~~~那兩個盒子諗住會裝住D棉花，同口腔棉~~到時會方便D~~~~

我地也去了$8.8店買野，入多D BB衫架同買左茶袋FOR炒米茶用~~~~嘻~~~~~

是日戰利品：

 

由於今晚早左食晚餐~~~老公想吃湯圓~~~~老公就煮了豆沙湯圓吃~~~~本身不喜歡吃湯圓的我，也吃了一點~~~不過豆沙湯圓果然不錯啊~~~

白蓮蘇雞蛋糖水@37W

早前奶奶俾左D白蓮蘇我，今日終於的起心肝煲啦~~~~~~~~~~~^^
雖然成日話如果孕婦想清胎毒，要在懷孕後六個月開始飲這款糖水才有效，不過我之前睇過有人飲完唔舒服，有人又會嘔，有人又會即刻生左......所以一直都未敢煲住.....就係咁拖到37周尾先至煲，唔知仲有無用..............做法都好簡單，今次呢款糖水淨係煲俾自己飲~~~~~~~~

材料：白蓮蘇3錢(其實都唔知係幾多.....我只係將奶奶俾我既分開2次用)、雞蛋一隻、冰糖適量

我用左咁多：

製法：
1.白蓮蘇、雞蛋洗淨，備用。
2. 凍水放入白蓮蘇及雞蛋(連殼)
3.雞蛋熟後，可去殼，再放回煲內
4.整個過程大約以文火煲45分鐘，差不多時，可落冰糖調味
5.以三碗水煲成一碗水，即成。

嘻...隻蛋凍水落...都係爆左.....其實飲落去都似飲桑寄生蛋茶~~~~不過我就LIKE桑寄生多D~~~~~~~~~

功效如下：

呢排好多野食~~~~繼爸爸拿了肉丸、雞雞給我之外，昨天又收到朋友仔送的兩大包餃子和兩大PACK有機饅頭~~今日試了一些~~~

肉丸水餃米：















夜晚追加：菜心水餃

試新野@37W

今日又是下雨天，不過都照樣出去同好友吃晚餐。他想去我地家附近的一間餐廳用膳呢~~~~~~
我都未試過呢~~~~
好不容易等到老公收工，一齊行過去~~去到有大卡位坐~~~呵呵~~~~
而且有一個好靚既魚缸，環境好大，好舒服~~~^^
朋友仔食的那個很吸引，是安格斯(ANGUS)漢堡包，不過上面的藍芝士，試了一點，的確受不了呢~~~~~~~~~~~>.<
嘻嘻，不過我還是很想下次叫這個，因為那些薯仔好好食，漢堡也不錯呢~~~~~~~~~~~~
相信有機會會再去吧~~~~~^^
最可惜，今天食不到甜品，希望下次去會吃到吧~~~~~~~~~~~~~~~~~~~~~~~~~

懷緬昔日感覺+收到奶奶禮物~^^@36W

今日是星期六，老公收工後來九廣沿線接我~~嘻~~~~~~~
之後一齊過海，去了間COFFEE SHOP食TEA~~~~~我只係食少少，飲少少乍~~~~主要是借來影張相~~~~~~
順便懷緬一下暑假去英國時的感覺~~~呵呵~~~~~~~~~~

 

跟住就要搵奶奶SHOPPING~~~~奶奶送左好多件衫仔俾ANGUS啊~~~~~~~~~~太幸福了！！！！

夜晚再JOIN埋老爺食一蚊一隻雞~~~~~在這非常時期.............四個人食了三隻雞~~~~~~
之後想食杏仁糊...點知都無既......剩係有紅豆沙乍~~~~都好啦~~$10碗~~~~~~~~~

 

飲茶記@36W

由於而家我唔太方便自己一個人出去坐長途車...加上四月持續下雨.............今日爸爸、姐姐來探我啊~~~~~~
去了我家附近的美心皇宮飲茶~~~~~~~~~好開心~~~~~茶具很別緻啊~~~~~~~~~~

ANGUS，兒童節快樂~~~@36W

今年的兒童節雖然你還在媽媽的肚子裡，但是爸爸媽媽已經忍唔住要同你慶祝一下了~~~~~~~~

ANGUS，兒童節快樂！！！

第一次洗TT奶樽+消毒@34W

今日終於的起心肝洗下BB奶樽同試下個消毒器~~~~~~~~~~~
首先睇下個消毒煲點用先~~

第一次用原來要消毒左個煲先~~~~然之後先可以幫奶樽消毒~~~~~
一插好電源，就出現"0"字，然後再按開關，就出現H-->S-->C-->3~~~3就代表OK了~~~

 

之後就放洗好既奶樽入去~~~~~~~~~~再重覆消毒程序~~~~就完成了~

 

 

跟住就放在儲存盒放好~~~~~~~~~第日有需要用奶樽再烚過~~~~~

夜晚去了大中食飯~~~~~~老公同我都想食番之前暑假去英國時食的FISH & CHIPS~~~~不過今次只是響PIZZA HUT吃~~~哈哈~~~~無醋點FISH.....>.<

 

仲同老公SHARE食左個HAAGEN DAZS的心花怒放~~~~~~~好開心啊~~~~

 

大本型@33W

今日同老豆、老公去新商場行下~~~~~呢個商場老公第一次去，俾佢發現倒間J +PLUS~~~擲彩虹可以有B-DUCK禮物WOR~~~
不過我地好忍手，無玩到~~~哈哈~~~
由於今日好累，成日掛住坐~~~~坐得又要搵野食~~~~~~
又食下豆腐花清下胎毒~~~

 之後又去墾丁茶房係咁食~~~~~~~~~結果夜晚食滯中，好辛苦，成晚都睡得不好..........................

 

今日見BB+童軍春茗@33W

今日老公帶我去St. Paul hospital睇BB~~~因為之前佢有個FRIEND個老婆原來響個度睇BB~~~我地先發現原來私家醫院照超聲波係唔駛$500~~~
$455就可以走得啦~~~~~仲可以拿走幾張超聲波相添~~~~

一去到，姑娘就幫我量血壓、磅重、驗尿~~~一切正常~~~血壓：108/78、體重：54.7KG~~~~

預約左4:45~~~等左一陣，差唔多5:00~~~到我睇BB啦~~~~
同醫生講完簡單的懷孕歷程及報告後，就照超聲波啦~~~~~~~~~
私家醫院果然不同，姑娘都好小心扶我上落床、又鋪好床墊，很乾淨、很細心

今日再次看到BB~~~~雖然不是4D~~~但看到BB長肉了~~~~見到他的嘴仔張開張開~~~~又踢踢醫生~~~很可愛~~~
醫生也忍不住說了一句：「BB，都幾活躍下」~~~~KAKA~~~~~~~
頭仔：

照下，照下...腿骨仍然同結構時一樣...仍然慢了兩周............腿骨63.6MM 不過肚DUM大左，竟然啱WEEK數~~有294.5MM呢~~~~
最開心的是知道他現在的重量了~~~是2024克，相等於4.46磅左右~~~~
再多口問下，胎盤真的沒有前置了，也看不到子宮肌瘤~~~~~~不過產後，應該要再看看子宮肌瘤的問題，不竟診所的王醫生曾經照到可能有呢........
遲D再算吧~~~~~反正現在也做不到甚麼~~~~~~
睇完醫生，我地出發去紅磡吃童軍春茗~~~~
一路食一路睇PIPE 片~~~~~還看到老公拿獎狀~~老公一路考我歌名呢..................>.<

看看~~晚宴多豐富~~~~~



 

貪吃的我，就在是次的晚宴上吃了一片西瓜~~~~~~~~~~~~~~~~(清胎毒~~~~~)

BABYPLANNER新生嬰兒護理試讀班@32W

今日報左個新生嬰兒護理試讀班，又在上次上美素佳兒個地點上堂~~~~嘻嘻，即係可以搵番我地上次個扁咀BB，嘻嘻~~~
人地個個喜歡笑的bb不知為什麼，我偏偏要搵番呢個扁咀BB~~~kakakakaka














今次上堂都學左好多野，而且導師俾多d時間我地自己實習，感覺又學多左野。
第日仲可以幫BB按摩添~~~~~拍了老公實習的過程，應該能夠掌握到部份的步驟吧~~~~~~















做完按摩，跟住包包被~~~由於有上次美素佳兒的經驗，我們都進步了不少了~~~~不過今次有教BB隻手的擺法~~~~睇下，包得幾靚~~~

個姑娘話BB而家係有「豪宅既服務，劏房既環境」哈哈，又真係WOR~~~~~佢而家唔駛用力就有營養，又恆溫，但係就俾我逼實晒~~哈哈
希望第日ANGUS喜歡我們的屋子同埋B-DUCK床鋪吧~~~

上完堂，出去行下，買禮物給爸爸，之後出銅鑼灣行下，明明上IKEA網說有之前睇中既野買的，好想買番張腳踏FOR第日餵奶用，今日點都要再搵一下。
點知今日一入去IKEA，就見到了~~~~好開心啊~~~~$39.9

之後再買多幾個五顏六色盒FOR裝BB野用~~~~~$29.9














行完，行去灣仔搭船~~~~~~好耐無搭了，不過今天好大浪，上落船似乎有點危險呢...........
想行下，拍下拖.......但係自己身體機能差了.................行不起............
要坐低吃飯後再行過~~~~去了意粉屋吃了個甜蜜套餐~~~~^^貪吃的我又偷吃雪糕了................ANGUS對唔住呢~~~

之後行去紅磡搭車返屋企，返到去..竟然又胃痛..又頭暈...真可憐呢....................

美素佳兒實習班@31W

朝早烘了多士吃，烘得幾靚~~

今日獲邀出席美素佳兒實習班，有得對住個假BB實習下，好開心啊~~~美素佳兒好好，仲為我們預備了一些小食，飲品呢~~很貼心

 拿完小食，坐低見到個扁咀BB，我已經愛上他了~~~哈哈~~唔捨得放手~~佢同其他的BB唔同架~~~哈哈~~

 

由於我地遲左少少，姑娘已經開始講餵母乳部份了~~~~講完就教大家幫BB沖涼，包紗巾，仲有得實習幫BB包紗巾同著衫、洗頭等步驟~~~~~嘻~~~
不過我地兩個都唔熟手.......到時ANGUS唔知點算
聽完先食飯~~去了檀島吃晚飯，吃了個西芹腰果肉粒餐，好味~~~~~~有左之後第一次飲有綠豆煲既蓮藕湯~~~可以清清胎毒~~~KAKA

是日實習班的禮物：大紗巾一條&媽媽奶粉~

元宵第一次去BB展@30W

終於到了BB展，自從有左之後一直都好想去BB展，終於等到了。不過有經驗既媽媽話八月的BB展應該正D~~~到時可以的話，也想去睇下~~~^^
今朝去茶餐廳食完早餐就出去大中搭307了~~~去到不是很多人，買了入場劵(價值$25)同COUPON BOOK(價值$5)玩下~~~哈哈~~

 

我地由於之前已經差唔多買晒D野，所以今次純粹黎見識下~~~不過見到BB野都好難忍手，都要買下野返屋企~~~~~

之前聽醫院姑娘話玻璃奶樽好D~~~雖然自己應該都會埋身餵多，但係都係買多個玻璃奶樽好D~~~繼續買TT~~$80~~雖然聽到一D負面評語，但老公鍾意，而且要買同之前買開既同一系列，所以都係買TT~~再買多個奶樽咀$26~~三個月之後要轉用~~~然後用COUPON加左10蚊買多個樽仔俾BB第日飲水用~~~~再買多個TT保溫袋~~~$55~

之後見到好多人買摺得既遊戲墊，我地鍾意的那一張只係買剩一張~~~~雖然買呢個好似快左D...但係真係好想買啊~~~~~~而且收藏容易~~~
不過要成$300>.<

有D唔係咁想走~~~再去SOFT TOUCH~~買下內衣俾BB~~~$36~~再買多盒口腔棉

 

換埋D贈品，就返大埔了，去好好粥麵吃晚餐，再行一田，買了個大膠盒裝奶樽$62.8~~~~再去藥房，見到有6蚊既棉花球~~~同埋...安滿竟然買$164....平左咁多....我又買貴野了>.<

 

回家前吃點甜品，應下節~~~老公吃湯圓，我就吃法式焦糖燉蛋~~~第一次吃~~~也不錯啊

以下是BB展換的東西~~~~