淘寶尿墊@39W

呢排諗諗下，之前買既尿墊都係唔夠BB用，又要鋪一張響BB床，又要換片時用，於是想買多兩張俾BB ~~~
可惜附近間百貨公司都沒有特價，我又唔方便周圍去，於是決定淘兩張MINIMOTO尿墊回來~~~~~
上次響一田特價時買同一款、同一尺寸的尿墊，都要$63.2~~而家一條只係賣28RMB~~~~
雖然TOTAL要加番運費$37港幣~~~但係都抵啦~~~~唔駛再等特價先買

我是在這間買的~~~~~~~星期二訂，星期三就收到啦~~~~~~~~~~~
http://item.taobao.com/item.htm?spm=a1z10.3.w8644499372.29.9XzVk3&id=19503980810&_u=pb9tcvb3086
不過今日再睇.....個價錢已經唔同左~~~~竟然升到38.22RMB了.........

收到雀巢米糊食譜啦@38W

之前上雀巢個網站(http://promo.nestle.com.hk/tradch/club/nutrition/RecipeBook/index.asp)，見到有得攞雀巢米糊食譜，於是就登記了。
嘻嘻，我是否太心急呢~~~BB最快都要四個月先至食米糊，我已經忍唔住睇定D資料啦~~~~嘻嘻~~~之前仲買左本0-2歲的食譜添~~~

好似登記左好耐喇，今日終於收到了。有兩包SAMPLE、一本食譜同兩張年尾到期的現金劵~~~~~如果BB啱食，都用得著啊~~

另外，今日終於的起心肝買番對鞋啦，之前諗住著埋呢一、兩個星期，算啦唔好買~~~但係呢兩日著老公對波鞋...始終太大...唔係咁舒服~~~~~
而且我仲要見人架，咁落去唔係辦法~~~~~~~~~
於是都係決定響附近商場買對平平地既鞋，$120~~~拖鞋波鞋款，~~~都幾舒服，幾LIKE啊~~~之後都著得~~~~~

終於買了架碌碌車+PAMPERS入會禮物@37W

今日待老公放工後又去了沙田啊~~~~其實新城市太多人，的確不太適合我去.......
但係~~~為左換片，我都係決定要同老公去一趟~~~~哈哈~~~
話說早前再收到PAMPERS入會COUPON+禮物，好開心，可以再幫BB換多兩包NB片+濕紙巾~~~~~
換完，早D食夜晚，去了紅螞蟻吃二人套餐~~~~都幾豐富啊~~~~^3^

 之後去左無印買了架碌碌車，第日換片無論響廳定房都會方便D~~~~~嘻~~~我想買好耐架啦~~~終於買左啦~~~~
第日如果嫌阻住，又可以拆左佢收番好~~~~真的好好啊~~~~買左$160~~~~~~~~

有張日文說明書~~~~KAKA~~~~

我已經逼迫不及待，放了BB的用品，看看~~~~~~~那兩個盒子諗住會裝住D棉花，同口腔棉~~到時會方便D~~~~

我地也去了$8.8店買野，入多D BB衫架同買左茶袋FOR炒米茶用~~~~嘻~~~~~

是日戰利品：

 

由於今晚早左食晚餐~~~老公想吃湯圓~~~~老公就煮了豆沙湯圓吃~~~~本身不喜歡吃湯圓的我，也吃了一點~~~不過豆沙湯圓果然不錯啊~~~

準備BB日記@35W

今天是復活節假的第一天，老公陪我響大埔行逛~~~~~~除了去吃我喜歡的豆腐花~~~~又去了書局行下~~~~
嘻~~~買了本平平地的簿仔FOR第日未得閒打BLOG時用~~~~可以暫時用來記錄著我生產的過程、坐月同BB的成長片段~~~~~
好讓第日可以再和大家分享~~~~~~~~~~
人手加了以前工作剩下來的貼紙~~~~~~~~~~^^~~可以貼番BB個名上去~~~~~嘻~~~~

收到淘寶的哺乳衣了@35W

星期二淘的，今日星期四，就收到淘寶的哺乳衣了~~~~一心想餵人奶，諗住第日出去方便D~~~~~於是淘了幾件哺乳衣~~~~
不過今次收到之後，質料雖然不錯，但覺得大了、長了，又有色差好似麻麻地......而家著上身....都好大件.........而且好肥啊~~~~~~~~~~
無辦法接受自己肥成咁.....................>.<

不過店主都幾好人，竟然有小禮物送~~~~~~~~但係點解係BANANAS ABOUT MOMMY

BABYPLANNER新生嬰兒護理試讀班@32W

今日報左個新生嬰兒護理試讀班，又在上次上美素佳兒個地點上堂~~~~嘻嘻，即係可以搵番我地上次個扁咀BB，嘻嘻~~~
人地個個喜歡笑的bb不知為什麼，我偏偏要搵番呢個扁咀BB~~~kakakakaka














今次上堂都學左好多野，而且導師俾多d時間我地自己實習，感覺又學多左野。
第日仲可以幫BB按摩添~~~~~拍了老公實習的過程，應該能夠掌握到部份的步驟吧~~~~~~















做完按摩，跟住包包被~~~由於有上次美素佳兒的經驗，我們都進步了不少了~~~~不過今次有教BB隻手的擺法~~~~睇下，包得幾靚~~~

個姑娘話BB而家係有「豪宅既服務，劏房既環境」哈哈，又真係WOR~~~~~佢而家唔駛用力就有營養，又恆溫，但係就俾我逼實晒~~哈哈
希望第日ANGUS喜歡我們的屋子同埋B-DUCK床鋪吧~~~

上完堂，出去行下，買禮物給爸爸，之後出銅鑼灣行下，明明上IKEA網說有之前睇中既野買的，好想買番張腳踏FOR第日餵奶用，今日點都要再搵一下。
點知今日一入去IKEA，就見到了~~~~好開心啊~~~~$39.9

之後再買多幾個五顏六色盒FOR裝BB野用~~~~~$29.9














行完，行去灣仔搭船~~~~~~好耐無搭了，不過今天好大浪，上落船似乎有點危險呢...........
想行下，拍下拖.......但係自己身體機能差了.................行不起............
要坐低吃飯後再行過~~~~去了意粉屋吃了個甜蜜套餐~~~~^^貪吃的我又偷吃雪糕了................ANGUS對唔住呢~~~

之後行去紅磡搭車返屋企，返到去..竟然又胃痛..又頭暈...真可憐呢....................

去佐敦@32W

今日出開去，於是去佐敦的護協同上去毅力換番上次講座的禮物。

首先去護協，SHOP下~~~買下買下又唔見左百幾蚊~~~~
買左五包莊臣棉花球@$9EACH~~~~TT梳刷$18同埋一條餵奶巾~~~~$74~~
諗下諗下都係買定條餵奶巾好D~~~第時會方便D~~~~
之後就去毅力LU~~~
上到去，俾張換領劵佢之後，好特別竟然要我填張對餵母乳的認知，先至可以拿禮物~~~~嘻~~~~~好彩我都幾叻~~~KAKA

是日護協戰利品：

是日在毅力換到的禮物：

元宵第一次去BB展@30W

終於到了BB展，自從有左之後一直都好想去BB展，終於等到了。不過有經驗既媽媽話八月的BB展應該正D~~~到時可以的話，也想去睇下~~~^^
今朝去茶餐廳食完早餐就出去大中搭307了~~~去到不是很多人，買了入場劵(價值$25)同COUPON BOOK(價值$5)玩下~~~哈哈~~

 

我地由於之前已經差唔多買晒D野，所以今次純粹黎見識下~~~不過見到BB野都好難忍手，都要買下野返屋企~~~~~

之前聽醫院姑娘話玻璃奶樽好D~~~雖然自己應該都會埋身餵多，但係都係買多個玻璃奶樽好D~~~繼續買TT~~$80~~雖然聽到一D負面評語，但老公鍾意，而且要買同之前買開既同一系列，所以都係買TT~~再買多個奶樽咀$26~~三個月之後要轉用~~~然後用COUPON加左10蚊買多個樽仔俾BB第日飲水用~~~~再買多個TT保溫袋~~~$55~

之後見到好多人買摺得既遊戲墊，我地鍾意的那一張只係買剩一張~~~~雖然買呢個好似快左D...但係真係好想買啊~~~~~~而且收藏容易~~~
不過要成$300>.<

有D唔係咁想走~~~再去SOFT TOUCH~~買下內衣俾BB~~~$36~~再買多盒口腔棉

 

換埋D贈品，就返大埔了，去好好粥麵吃晚餐，再行一田，買了個大膠盒裝奶樽$62.8~~~~再去藥房，見到有6蚊既棉花球~~~同埋...安滿竟然買$164....平左咁多....我又買貴野了>.<

 

回家前吃點甜品，應下節~~~老公吃湯圓，我就吃法式焦糖燉蛋~~~第一次吃~~~也不錯啊

以下是BB展換的東西~~~~

 



收到淘寶BB衫@30W

今日好開心啊~~~出太陽了~~~ANGUS D衫可以曬下，真好

仲有收到星期一淘既BB仔衫啦~~~好靚啊~~~奶奶一直想我地買D包住BB腳仔既買衫~~~今次終於俾我淘倒了~~未計運費係RMB28件~好抵啊~~好滿意啊~~~~

仲淘多左兩件I LOVE MAMA & PAPA既衫，老公已經掙住叫ANGUS著I LOVE PAPA衫啦~~~~哈哈~~~

開始洗BB衫了@30W

雖然呢排D天氣唔係幾好，但係踏入30W，都要開始洗BB衫了~~~~
如果唔係我驚洗唔切呢~~~~

晾晒響到，好得意啊~~~~

今日行去買餸既時候，竟然發現藥房有安滿買，仲要比平時響萬寧買平$20~~~適逢舊的那罐就飲完，忍唔住買左~~~~$180

年初三@29W

呢幾日不斷拜年，繼年初二去完廣州，再去香港仔後，今日又到九龍灣飲茶~~~~~~~~
之後SHOP了一會，發現PIAGO有八折床單仔買，決定買多張俾BB替換用~~~~

被袋：$159.2
床單+枕袋：$103.2                   

年廿九@28W

是日年廿九，我地就響TKO逛了一會，去吉之島十二蚊店買了兩個膠盒，FOR裝棉花球同脫脂棉用~~
之後就出發去小西灣，去書局閒逛了一會，買了本書煮糊仔俾BB食~~~~~4個月可以開始整水果茸佢食啦~~~~~^^

上到去，老公打牌，看看老公打牌，原來都幾厲害啊~~~~

今晚~~ANGUS還收到豐厚的壓歲錢呢~~~

第二次去威院聽TALK@28W

今日又BOOK左返醫院聽TALK，今日既TOPIC係「初生嬰兒護理」。搭火車去，今日有位女士讓俾我坐，佢一直企到去大圍呢~~~~~~真好人
準時去到威院，等了一陣，就開始了。

主要重點如下：

• 姑娘再三叮囑我地D BB衫用咩洗衣液都好，機洗又好、手洗也好，最緊要係過清~~~~~~~~同埋唔可以落臭丸、樟腦，包括湊BB的人啊~~~~
• 沖涼的水需要是36度至38度
• 用開水為BB抹眼睛、肚臍時，要留意開水是明火煲為佳，當然要攤凍佢啦~~~~~~~姑娘不建議用火酒洗肚臍~~~~~~
• 包尿片時，要留意要向下摺一摺，露出肚臍
• 奶樽如果是膠的，需要3個月換一次。而奶樽不論是有沒有用過的，必需每隔24小時洗一次及烚一次，烚好要蓋好奶咀位，儲至食物盒，再放入雪櫃
• 奶咀最好用同一個形狀，唔好轉款，包括奶樽的奶咀
• 回奶時，若想收奶，穿細一個碼胸圍就可以，同埋飲少D湯水
• 在醫院生的時候，只有在7F病房才有探病時間...一旦推左去7E、6E及F的產房...係沒有探病時間.........而老公陪產的時間大約只有三分鐘，其餘時間都係自己同BB作戰
• 生完之後，有八小時休息，若期間BB想飲奶，會叫醒我餵BB~~~~8小時之後就會推番BB俾我湊~~~~我攪唔攪得掂架
• 至於BB側睡的問題，我一直都好關注，因為飲完奶，BB係唔好平卧，要KEEP住側睡~~~~~~~仲諗緊駛唔駛買側睡枕，原來都可以唔駛。就咁卷條毛巾俾BB瞓45度角就可以架啦~~~~~~仲有原來初生BB係唔識轉身，應該幫佢側睡完佢就可以維持倒

嘻~~影底左側睡毛巾的捲法~~~KAKA~~到時BB就係咁瞓架啦~~~~~~

之後我報埋4/3的講座，就返去太和啦，有一家人好好，叫小男孩讓坐給我^^~~~~~返到去，去超市買了兩袋棉花球，分別是JOHNSON$10.9~~貴護協$1，而另外的是便利妥~~特價$9.9，就回家去~~~

是日講座禮物：

周末準備篇@27W

為了進行明天的拍攝，今日決定剪個靚髮，早d返歸~~~~~
等老公收工後，就返大埔了~~~~~經過大埔墟的藥房，買左兩支pigeon洗奶樽液俾BB~~~~$125兩支

第一次去威院聽TALK@27W

今日自己出去食完LUNCH，就出發去威爾斯聽TALK了~~~~~~搭火車...無位.....有個男仔示意叫我過去坐~~~~~~當我行去坐的時候...竟然有個掛住玩CANDY既女人閃左過去坐左.....於是隔離有個叔叔都好好人，俾個位我坐...不過個叔叔好似企得唔係咁好，隻腳看來有點不舒服.....先頭我唔坐啦...最衰都係玩CANDY個大嬸~~~~

去到威院，未夠鐘.....坐了一會，2:30開始聽~~~~TOPIC是關於：「生產過程及分娩減痛法」

嘩~~~學左好多野~~~~同埋清楚左自己到時要做D咩~~~~~~
例如當走佬時，見紅係可以沖涼，並慢慢入院，穿水就要盡快入院~~~~~~要記住自己幾點見紅或穿水，到時要話俾醫生聽。至於坊間流傳食碗飯先去，姑娘就不建議這樣做，因為有可能要做緊急手術，所以不建議進食~~~~~至於陣痛，要緊記有規律的陣痛才入院~~~~
仲有原來真係生既時候，即係子宮口完全擴張時，老公先至可以響自己身邊，其實也很可憐呢..諗起..都有D驚>.<


聽完TALK，重返校園，幫老公找練習....可惜只找到一兩本........

夜晚去了PIZZA HUT食晚餐，仲去左藥房買日用品俾BB~~~~~

 

 參考一下~~~~~
威潔BB洗衣液:$29.5
小林退熱貼：$19
凡士林：$15
消毒火酒：$10