ANGUS BB適應新環境

很久沒寫過日記了，近日都忙於搬屋，新屋仍在裝修中，現在在ANGUS公公家留宿~~~^^自從五個月開始，Angus叻左，識轉來轉去，為左安全，都係決定要買張網床俾佢，咁我就可以行開下做下家務，都唔駛驚佢會碌落地喇~~~^^

大家看看Angus多舒服~~~~~~~~.

 

帶仔仔食輪狀~~~

今日帶左仔仔食輪狀~~~點解要食？如果唔食呢個真係有d擔心，仔仔成日攞隻手入口，遲d咩都咬，都係食左穩陣d~~~~bb最好響bb六個月時食晒~~~~
因為好似係佢地會感染既高峰期~~~~
之前本來諗住join疫苗plan，不過計下計下，響普通診所打仲方便，又近，又可以星期六日打~~~~
於是今日的起心肝落去打~~~~~^^~~~angus爸爸仲第一次用揹帶tim~~~^^
一劑680蚊，要食兩劑，下個月再食~~~~^^~~~
仔仔唔太合作，有d吐番出來，不過醫生話應該沒問題的，呢隻疫苗只要bb食過就得架喇wor，希望仔仔下次合作d啦~~~~~                   

ANGUS的百日宴

嘻嘻，好耐無寫BLOG LA~~~湊仔真係好忙呢~~~~不知不覺ANGUS已經三個幾月喇~~~~
8月10日我地幫BB搞左個百日宴~~~~本來BB 100日應該是8月11日，不過奶奶說想在星期六搞，所以就提早了一日了~~~嘻~~
地點，我地揀左彩福，貪佢人小小都可以包房，共四圍，仲有八八折~~~~^^

之前響淘寶整左個BANNER~~~~唔駛一百蚊，只係RMB62~~~個個都話抵呢~嘻~~

而當日找了朋友的姐姐做蛋糕~~~^^好好食~~而且足夠分晒俾所有人食~~

不過ANGUS當日唔太乖.......>.<令我有點尷尬啊~~~~

送上當日主角乙照一張~~~~嘻~~~

ANGUS當天收到很多禮物，做小朋友真幸福！！

又返健康院打針了

今日打2枝針，一支吉左脾，一支吉右脾>.<好心痛啊~~~~~~~~~~分別打白喉, 破傷風, 無細胞型百日咳及滅活小兒麻痺混合疫苗(第一次)，肺炎球菌疫苗(第一針)
健康院姑娘話有一枝粗，一支幼，打邊枝先，我幫ANGUS決定打幼先，如果唔係打左支粗先，可能喊得好誇張，打唔到枝幼既點算~~~~~
不過ANGUS其實好叻叻，粗個支只係喊左3聲，幼個支喊左一聲~~~~~就沒事喇，叻仔！！
出番黎已經無事啦~~~~~~不過見佢貼住紗布有D慘慘~~~~~~

老公送給我和BB的禮物~~~~

今日同ANGUS爸爸行一田~~~~ANGUS爸爸說要買玩具俾BB~~~有音樂架~~~
BB都好似幾鍾意，有時會望下隻獅子架~~~~
仲有....實不相瞞，我今日終於響街到第一次餵BB喇~~~~^3^

夜晚老公煮了花膠炆冬菇給我吃~~~~

產後檢查

不知不覺已經產後6星期，今天返健康院做產後檢查，我有48.4KG~~~~小便,血壓正常~~~^^
之前在網上問過JM~~~~問駛唔駛開鉗檢查，有人答唔駛，有人話要，結果係要>.<....順便俾多100元做子宮頸抹片檢查
子宮已回復原來的大小了，那麼個肚那些是肚腩吧>.<
順便問埋醫生，生完之後隻腳仲係唔係咁好，D關節位痛>.<醫生叫我做多D運動，幫助復原......

SUNNY哥哥幫BB影相相~~

今日ANGUS DAY 48~~~~~~~~之前見BLOG 友都搵SUNNY影相，而且影得好靚~~~~又可以上門影，實在太方便了~~~~^^
所以我都忍唔住早於產前就BOOK定SUNNY哥哥影相~~~~~~~~~^^約左SUNNY哥哥今日十點~~~~
SUNNY哥哥好準時呢~~~~~~~~~~~而且還帶備了很多道具同ANGUS影相~~~~~~~~^^
ANGUS全程都好合作，只係試過對住我喊...........
著造型衫衫時，佢竟然睡著了，不過還是很可愛啊~~~~竟然扒響到瞓左..........................
以下是我和老公影的小花絮~~期待收到SUNNY哥哥的製成品~~~~~~~