今日試食香蕉茸

繼糊仔之後，今日決定俾佢食香蕉，因為佢呢排大便唔係咁好，加上今日已經第四日無痾喇.....試下早d食香蕉睇下有無幫助，整左少少佢食，佢都好似幾鍾意，咁就好喇，可以食下生果，好痾d就好喇。 今日整香蕉茸時，其實都好疑惑，駛唔駛煮完再壓蓉，不過後期上網睇番d blog友話要，咁我就煮左，先壓蓉，嘻嘻，期待bb能食更多不同種類食物。嘻＾＾ ...

P.S.食完之後，夜晚痾左好多，差D爆片喇~~~~~~~~哈哈~~~~~~~~香蕉萬歲！

先煮後壓~~~~~~~~KAKAKAKA：

初嚐米糊+玩波波日

仲有一個星期，Angus就六個月喇，今日決定俾佢試下少少米糊，之前買左healthy times,因為之前記得有blog既媽媽都有介紹呢隻好味，而且是有機的，應該不錯。我自己都試左d,雖然我今次個份量稀左d............但我覺得個味道都唔錯，有點像維他奶呢。哈哈。而Angus第一次吃固體食物的表現呢，雖然他又流番出來，同埋表示有點不想吃，但他開頭食的時候都識見匙羹就開大個口，又識拿匙羹，都很可愛啊。明天再試過＾＾

咩係玩波波日，話說ANGUS公公買左個波波俾佢，今日試下玩下，又幾可愛WOR,真係攞黎玩~~~~~~~~~~~~哈哈~~~~~~~~~~~分享一下先：控球也不錯~~~~~~~~^^

天氣凍買衫衫

呢排天氣凍了，無論如何今日決定要買件褸俾ANGUS~~~~~~~~~
由於遲D我地住既位置就在AEON樓上，所以見做緊PROMOTE~~~~~~~~~~
終於響AEON申請了張銀聯卡，有八折，再減$30~~~~
結果二百六十幾蚊就買左件褸仔~~~抵~~~~~~~~~^^

ANGUS BB適應新環境

很久沒寫過日記了，近日都忙於搬屋，新屋仍在裝修中，現在在ANGUS公公家留宿~~~^^自從五個月開始，Angus叻左，識轉來轉去，為左安全，都係決定要買張網床俾佢，咁我就可以行開下做下家務，都唔駛驚佢會碌落地喇~~~^^

大家看看Angus多舒服~~~~~~~~.

 

帶仔仔食輪狀~~~

今日帶左仔仔食輪狀~~~點解要食？如果唔食呢個真係有d擔心，仔仔成日攞隻手入口，遲d咩都咬，都係食左穩陣d~~~~bb最好響bb六個月時食晒~~~~
因為好似係佢地會感染既高峰期~~~~
之前本來諗住join疫苗plan，不過計下計下，響普通診所打仲方便，又近，又可以星期六日打~~~~
於是今日的起心肝落去打~~~~~^^~~~angus爸爸仲第一次用揹帶tim~~~^^
一劑680蚊，要食兩劑，下個月再食~~~~^^~~~
仔仔唔太合作，有d吐番出來，不過醫生話應該沒問題的，呢隻疫苗只要bb食過就得架喇wor，希望仔仔下次合作d啦~~~~~                   

ANGUS的百日宴

嘻嘻，好耐無寫BLOG LA~~~湊仔真係好忙呢~~~~不知不覺ANGUS已經三個幾月喇~~~~
8月10日我地幫BB搞左個百日宴~~~~本來BB 100日應該是8月11日，不過奶奶說想在星期六搞，所以就提早了一日了~~~嘻~~
地點，我地揀左彩福，貪佢人小小都可以包房，共四圍，仲有八八折~~~~^^

之前響淘寶整左個BANNER~~~~唔駛一百蚊，只係RMB62~~~個個都話抵呢~嘻~~

而當日找了朋友的姐姐做蛋糕~~~^^好好食~~而且足夠分晒俾所有人食~~

不過ANGUS當日唔太乖.......>.<令我有點尷尬啊~~~~

送上當日主角乙照一張~~~~嘻~~~

ANGUS當天收到很多禮物，做小朋友真幸福！！

又返健康院打針了

今日打2枝針，一支吉左脾，一支吉右脾>.<好心痛啊~~~~~~~~~~分別打白喉, 破傷風, 無細胞型百日咳及滅活小兒麻痺混合疫苗(第一次)，肺炎球菌疫苗(第一針)
健康院姑娘話有一枝粗，一支幼，打邊枝先，我幫ANGUS決定打幼先，如果唔係打左支粗先，可能喊得好誇張，打唔到枝幼既點算~~~~~
不過ANGUS其實好叻叻，粗個支只係喊左3聲，幼個支喊左一聲~~~~~就沒事喇，叻仔！！
出番黎已經無事啦~~~~~~不過見佢貼住紗布有D慘慘~~~~~~