試用Hallmark Babies 衫

再一次感謝mybb.com.hk 讓Angus 再一次參加試用，今次的產品是Hallmark babies 品牌的衫，真的好開心呢。
之前有mybb. com. hk 職員打電話給我詢問仔仔著甚麼碼，我一直希望BB d 衫可以著得耐d, 口快快講左100碼><而Hallmark Babies d 衫既size 比expected 還要大，所以今次試用Angus d 衫會大一點啊，嘻。都是我的錯啊><

收到試用的衫相當興奮，包括短袖及長袖衫各一，牛仔褲一條，褸一件及一條頸巾。收到的時候，真的十分開心，因為Hallmark babies 一直是我喜歡的品牌，它們生產過程認真，摸落手又好舒服，俾BB 著尤其安全又放心。而且褸褸真的很可愛，是Mason 來呢，嘻嘻。看看牌子，Hallmark's Mason Bear 是充滿好奇心的bear bear, 更是和藹可親，貼心，好動並喜歡帶歡樂給朋友。配合Mason造型，帽上耳仔上也有紅繩。頸巾也和Mason 一樣呢！

帶左d 衫返屋企之後，第一時間就洗左佢俾bb 著，果然Hallmark 係令人好放心，即使時牛仔褲也沒有脫色呢。
著起新衫，Angus 真的很可愛，尤其喜歡這兩件T shirt, 比較稱身，嘻嘻。在秋涼的季節，穿起這件白色T shirt 很合適，很舒服。Angus 不會熱親，也不會凍親，即使Angus bb 比較大汗，但在玩的過程中也沒有出汗，果然是四季皆宜的欣物啊^

16個月的Angus

我個仔一直進度大落後。。。。已經16個月了，我們一直在擔心他~~
今個月我地總算鬆一口氣，因為佢叻仔左好多~~~~
之前一直不肯放開手行的他，終於在Angus 爸爸昨天扮跑期間，鬆開手了，行左5,6步，然後再自己連續行左20步，好開心啊！好叻叻^^明明行得好好，點解Angus 一直不願意放手啊><

除此之外，今個月已成功戒奶樽了，早晚都刷牙仔，之前一直不願刷牙的他，看了巧虎的小豬刷牙劇場和玩小豬刷牙學習組合後，出奇地合作，並會呀大個口，俾我幫佢刷牙^^

近期也聽指令做到好多動作，如Arms up, clap, point~~~識指nose 同ears^^仲跟住講dog dog. 越來越可愛了

Angus BB 拿優異獎啊

8月8日終於公佈結果了，Angus BB 獲優異獎^^有50%是來自facebook 投票，有50%是評審。不枉我們辛苦拉票，Angus BB 獲獎了，有威潔禮物包同埋惠康現金券500元，是相當實用的禮物，也是Angus BB 獲得第一個獎！！！再一次謝謝大家的支持。

暑假開心遊

BB 爸爸總是暑假時才有時間跟我去旅行，繼同老公去完英國，唔知大肚既我同屋企人去左沖繩就停左成年幾無去過旅行lu...
今個暑假去番夠本，不過都係以短線為主，分別帶bb 去左台北同澳門。
本來都未有勇氣帶佢周圍去，不過8月中時老公個best friend 結婚響台灣擺酒，要去撐下場，就硬住頭皮同佢d 中學同學一齊去啦，仲有bb 可以同Angus一齊玩^^
玩左四日，去左揾好多好野食，食左米朗琪啦，淡水既乾杯燒肉啦，鼎泰豐啦等，

仲同埋bb 去動物園添，不過真係好熱熱，大家都無咩心機行，兩位小朋友都對動物興趣唔大啊><整體上，Angus bb 響台灣之旅都幾乖，如睡在陌生的bb床上，仍然倒頭大睡，不過就在回香港的路途上，因為台北大雨delay 左，搞到響飛機入面時間太長，bb 扭計了，要帶安全帶時間也太長，結果嘈倒人地，真係超級唔好意思呢。

至於澳門，我地同Angus bb 公公姨媽姨丈一齊去，佢地肯同我地一齊住十六蒲(想當年影婚紗相入住兼影相既酒店) ，去番我同老公影婚紗相既地方，佢地都係第一次上去東望洋，主教山呢d 地方，當然bb 也是呢。嘻^^不可不提的是旅遊塔下的音樂豆咖啡，咖啡雪糕超滑，大愛呢。

可憐的Angus BB~~玫瑰疹

之前曾經在blog 看到大家的BB 出玫瑰疹，一直很擔心，一有發燒我就會想是不是出玫瑰疹呢？但兩三次也不是。。今次我竟然想也沒有想過，直至睇醫生時才被醫生提醒有可能出疹。。。。這玫瑰疹非常可惡，不但令Angus 的胃口轉差，還令他經常扭計呢。。。
事源是星期三30/7，我早上摸他，發覺很熱，探熱針剛巧無電。。。要出外買，回來一探已經38.8度，去睇醫生時，39度，當時並沒有感冒症狀，醫生開左d 塞肛藥同藥水比bb, 叫我地要呢幾日留意觀察，有機會是流感，也有可能是出疹。
一直燒一直燒，食藥水就是不退的，結果老公決定幫佢塞肛，星期四早上塞了一粒，終於退左，近傍晚又燒過。。。去左肚痾便便又好d, 叫做退左少少。。。BB 睡得很差啊><
星期五早上還是燒，我比左藥水佢飲，飲左一次，奇迹地退左，還發現屁股上有兩點紅點。燒雖然退了，但夜晚食粥超級扭計。
我心諗玫瑰疹不是出在身上嗎？得兩點？已經出完了嗎？
直至星期六晚，見到bb 全身都是紅點，心痛極了。
星期日整面也是。。。。。><
到今天，終於退得七七 八八了^^
經過今次一疫，免疫力又增強了。^^

入圍了，大家幫忙投票啊

很開心啊！早前send 相參加my bb. Com 同威潔合辦招募廣告BB,今日有入圍結果喇，Angus 入左三十強。好開心啊，大家可以幫我按以下link 投票嗎？謝謝支持啊。截止日期為7月30日，快些CLICK 以下LINK and  LIKE, thanks a lot~~~~~~~~~~~~~~~~~~~~~~~~

https://www.facebook.com/MyBB.com.hk/photos/a.698102473559302.1073741860.133228076713414/698102853559264/?type=1

訂英文書

最近找了個網頁很不錯，是英國書局來的，免郵費，很不錯啊。因為佢唔係運速遞，而係經郵局寄，我買4本書，分開左3份包，不過都係響同一天收到。免運費，的確比其他書局都便宜，而且有些還有折，太抵了。6月22日order, 7月3日就收到喇，佢仲有email 話俾你聽本書寄出左，好安心，不錯。
買左4本，共23×元。不貴吧。嘻嘻

忘了，最重要的是網址吧，有空可以逛逛，不錯啊，http: //www. bookdepository.com