GOON尿片

在醫院時及出院後，BB收到很多禮物，有尿片、衫仔、帽仔，嘻嘻~~~媽媽就有D燕窩、蟲草雞精等.....................
當然不少得還有利是仔~~~~除左BB有利是，我都唔執輸，我都收到一封大利是~~~是老公的大姨姨給我呢~~~~好開心~~~~~~

今日好想同大家分享一下GOON尿片，是老公表姐送給寶寶的禮物，今日用晒HUGGIES 0碼之後，就開始用下NB啦~~~~
仲有好多條PAMPERS NB片，唔知用唔用得切呢.......
唔理喇，用下GOON先，一拆開，好興奮啊~~~~好多公仔~~~有成十四款圖案呢~~~~好得意，有羊、獅子、大象、鴨仔、企鵝等等~~~~~
忍唔住影相相~~~~KAKAKAKA~~~~~

仲有今天收到淘寶衫仔啊~~~~~~雖然好多衫仔，但仍然缺乏BB長袍，淘多幾件先~~~可以替換下...因為BB會吐奶..又有時噴屎、噴尿........要成日換.......

呢度有兩件防水反穿衣~~~因為呢個小朋友有時會吐奶...成日都要有兩手準備，如果有呢件反穿衣，可能會無咁輪盡......................
第日佢大個D食糊仔都可以用。嘻
~~~~~~~~~~~

ANGUS攞出世紙喇

今日係ANGUS既大日子，因為ANGUS爸爸幫BB攞出世紙啦~~~~
從此，香港又多一名姓余既BB喇。哈哈~~~~~~~~~~~~~~
雖然媽媽同BB無得去一齊攞，但係都好興奮啊~~~~~~
之前以為42天內拿出世紙是免費的，原來42天內申請只是免登記費.....=.=
出世紙每張要$140~~~~~~~~~~~~~~~~拿多了一張做後備...即係$280...................

小ANGUS第二次去健康院

今日又係我同BB出街既日子，要去健康院再睇黃同體重~~~~~~~~
雖然的士去、的士返，但係都要好好ENJOY下可以落下樓既機會，KAKA~~~~~~~
BB今天返健康院，又要剝光豬磅重，今日又重左，有3.7KG喇~~~~~~~超過八磅了~~嘻嘻~~
塊面仔日日望佢都唔同，又好似肥左喇~~~~KAKAKAKA~~~同埋阿仔已經退晒黃，唔駛再返健康院了。(除左打針)

大家睇下BB仔係咪大件左，哈哈~~~~

束腹帶

生完，雖然個肚細左，但係比未有前之前....個肚腩依然大..................
陪月姨姨見我個傷口埋得差唔多，建議我買條束腹帶，如果唔係第日個肚皮鬆左就大穫喇~~~~~~~~我都唔想人瘦肚腩大啊~~~
今日老公幫我買左，買左條二百七十幾蚊~~~~~~~~~~~
希望真係有用啦~~~~開頭仲以為唔啱帶，點知陪月姨姨又幫我帶倒WOR~~~~
而家自己都帶倒啦~~~~希望快D修番條腰~~~我仲要試裙做姊妹架~~~~

HUGGIES送給BB禮物

今天響門口收到封信，原來是HUGGIES寄給BB的禮物~~~~~~~~~

去洗傷口

今日第二次去政府門診洗傷口，老公陪我一齊去~~~~
約左10:30，好準時就到我喇~~~又係上次個姑娘，超好，佢話我個傷口埋得幾好~~~佢話唔駛再返去睇傷口喇~~~~~
仲俾埋D SAMPLE我去買紗布同醫生膠紙，$17元有D咁既服務~~~實在太好了。

ANGUS的喜怒哀樂

7/5 ANGUS同ANGUS媽媽終於可以回家了~~~~~~ANGUS 爸爸、媽媽、嫲嫲、公公一起坐的士回家~~~~
而9/5也是ANGUS第一次離開我的肚子後首次去健康院~~~~各項檢查都OK~~~而且他還重了，現在有3.22KG啦~~~~~
ANGUS爺爺也於當晚首次與ANGUS見面~~~爺爺還送媽媽燕窩同蟲草花呢~~~^3^~~
送上小花絮—ANGUS之喜怒哀樂~~~~

第一次照顧ANGUS

由於我發燒..BB出世之後一直在6L觀察室......要觀察BB有否受感染~~
只有ANGUS爸爸每天去探他~~~~而5/5我也第一次去到觀察室探佢~~~~同埋餵奶奶佢飲~~~~
到左6/5~~~BB被推回病床邊照顧，傷口還在痛的我.......又擔心BB嘔奶，又要餵奶、換片、掃風........
根本成晚都無得瞓......只睡了個多小時.....................很不放心...........就是這樣望住他睡...............

而公公、嫲嫲、姨媽也是在6/5第一次見到BB~~~~~^.^

ANGUS出世啦~~@40W

今天爸爸過來大埔陪我飲茶，飲完...竟然見啡.....
返屋企執執野，遇上大雨，叫的士CALL不到......太大雨...根本就CALL唔倒
惟有要自己去的士站.....
成功在的士站找到的士去威院~~~~~~
去到，老公已經在醫院門外等我們啦~~~~
直接上了7F，即刻量血壓、CHECK心跳、胎動等，本來佢見我無咩...醫院竟然想叫我觀察一天可回家~~~~
但係我說好像有滲水現象...之後CHECK CHECK，真的有穿水了~~~
7:30PM吃埋爸爸買的炒飯，就送到侯產室
9:00PM落催生藥.....
姑娘見我陣痛得不厲害.....再檢查子宮..發現未穿晒水.......
12:30AM人工穿水..經歷大陣痛10小時，都未生得...真的好痛啊~~~~~~~~~~~>.<
姑娘見我太辛苦......建議做無痛分娩.....
我知道我一定要生了，凌晨三點幾就想叫姑娘借電話~~~~~~~姑娘叫我唔好咁心急，可以遲少少打電話給老公。
6點幾姑娘俾我打電話給老公叫老公千萬不要去上班...
而我推至麻醉室...仍然都開不到兩度...加上不知是否有感染.......我竟然發燒了。
所以做唔成無痛分娩。。。。於是要在麻醉室等手術室同埋醫生................覺得等左好耐好耐...............痛到叫晒「救命，我唔得啦.....」但係無人理...佢地繼續好似上堂咁....仲想叫d醫科學生按下我個肚.....................
有個姑娘仲叫我忍住...唔好痾...如果唔係bb會腫晒...但係真係好難忍倒...又痛..又好似有野要迫出黎咁.......係忍唔倒囉............咁我剩係識答佢：「咁點算」
最後終於有手術室了，見到老公一面，要開刀了，老公沒有得陪產，只說了一句，就被推入去了，一落藥，半身麻醉，好正，即刻咩感覺都無晒，又有人幫自己過床，只係feel倒有人郁緊推下你個肚，就咁就生左，聽到幾下BB喊聲，就知道自己生左。幾重同幾點出世，我都係偷聽返黎，無人直接同我講架，生完，姑娘俾我睇左一眼，檢查下手環、腳環，就抱走BB了，我仲多口問句，「可唔可以同佢一齊影相？」姑娘答我：「開刀唔可以，會抱俾BB爸爸睇，BB爸爸可以幫佢影」~~~~~下面張相係BB爸爸影架，之後FEEL到自己都幾凍，半身仍然沒知覺...在手術室外被觀察了一段時間，隻腳郁番下，就被推番上去產後病房啦，可以再見到老公了。
「在4/5 10:33AM緊急開刀
成功誕下了小ANGUS，重3.19KG啊~~~~~~

BB逾期居留@40W

BB已經逾期居留了兩天了...至今仍然毫無徴兆.....我同BB的約定也在4月30日正式宣告失敗....
佢始終還是喜歡躲在我的肚子裡.......
呢幾日輪住有屋企人陪住，行多了，食多左涼野，又去食西瓜甜品..........但係ANGUS始終也未有意思出來~~~~日日都有D失望...
BB爸爸明天又要返工了...........今晚出來好嗎？？？？？？？

我地好想見到您啊~~~~

難道你還想繼續在我的肚子裡吃西瓜...................